Hauns Up for Trad is at the stoondin hert o Scots traditional music, aye promotin the darg o airtists and the needs o pairticipants and audiences through learnin, information and lobbyin.
For trad music and its practitioners and listeners, Hauns Up stauns up.
Hauns Up for Trad’s Programme taks in weel-kent and popular cultural events that mak, bigg and uphaud the traditional music landscape in Scotland the day, includin:
• The Scots Trad Music Awards
• The BBC Radio Scotland Young Traditional Musician o the Year
• The Scottish Traditional Music Ha o Fame
• Distil
• Scotland Sings
• Chorus Community Music Awards
• FolkWaves
• The Tinto Summer Schuil Programme
• Edinburgh Youth Gaitherin
• The Hauns Up for Trad Podcast
• The Landmark Awards
• Scotland Live
• The Tour Directory
• The Battle o the Folk Bands
Aw Hauns Up for Trad's projecks wark thegither as pairt o a jined-up strategy o interconneckit events, gien airtists and pairticipants a meaningfu creative lifelang journey by reddin them up wi skeels and opportunities that gie pleisure tae audiences in aw airts o oor nation and furth o Scotland forby.