An online Radio programme, fit celebrates the Scots Language, his been nominated for a top international award amongst the warls biggest Radio Stations in the Celtic Media Festival.
‘Scots Radio’ is produced bi weel kent broadcaster Frieda Morrison and taks in Scots ‘fae Shetland tae the Borders an athin in atween.’ The programme, that wis launched on the internet twa years ago, attracts thoosans o listeners a oor the warl, wi its special blend o information, interviews and music. The monthly podcast his been nominated in the ‘magazine category’ and is competin against programmes fae BBC Alba an BBC Scotland as weel as BBC Ireland and Wales, for the Festival’s ‘Torc’ Award for Excellence.
Frieda Morrison, fa comes fae Deeside, Aiberdeenshire, sees the nomination as an important step in the promotion o the Scots Language.
“I’m affa pleased and honoured that Scots Radio his been nominated for an award in sic a prestigious festival, and I wid like tae thank a the contributors and listeners for their support. It’s a big class o entries an we’ll be competing wi the biggest broadcasting companies in the lan – bit we traivel in hope.”
The oor lang podcast receives fundin fae Creative Scotland and afore it developed its ain Wabsite on www.scotsradio.com, wis hosted by the Scots Language Centre.
Frieda is jined on the programme a throw the year by folklorist and musician, Steve Byrne and the programme is recorded in Edinburgh by Richard Werner at B&B Studios.
Celtic Media Festival director, Catriona Logan said: “The record breaking entries were whittled down by our dedicated national juries who, in all, watched and listened to over 370 hours of top quality submissions.”
We’re looking forward getting to work with the Celtic Media Festival international jury for the difficult task of choosing the winners.”
The winners will be revealed at the Celtic Media Festival in Dunvargan, Co. Waterford, Ireland at the ein o April.
Mair information aboot Scots Radio, and the programmes on: www.scotsradio.com
Contact Scots Radio on: info@scotsradio.com or Birseland@aol.com