“Fit’s Gaan On”
Scots Language Radio is a programme that spiks aboot the culture and the ongyans o fowk fa use Scots in their wirkin warl.
Accordin tae the last census in Scotland, there are aroon 1.5 million Scots spikkers in this country. Ye dinna hae tae wanner far tae here it – jist ging as far North, Sooth East an Wast as yir lugs’ll tak ye.
I hope ye’ll enjoy rummelin aboot in the Episodes, and welcome tae the company that celebrates the Scots Language – and the fowk that jist spik it.
In Episode 18 o Scots Language Radio, we hiv an extended interview wi former First Minister o Scotland and SNP MP, Alex Salmond, aboot his love o Scots Culture and language. We hiv news o an important and significant policy statement aboot the Scots Language – pit oot bi Creative Scotland. And we ging up tae Shetland, tae jine the bairns in the kitchen. It’s anither special edition.