Wee Grants for Creativity in the Scots Leid’ will gie oot grants o up tae a thoosan pund. Oor ambition is tae gie this siller tae individuals, community groups or organisations wha will yaise it tae produce audience-facing creative wark. The wark maun be maistly in ae dialect o the Scots leid. Fill in the form below.
Please gie us aw the information requestit ablow. The form shouldnae tak mair nor twa hour tae complete. Ye will receive a confirmation email. If ye dinnae, yer application likely hasnae been received. Gin ye hae need o a different form o application, an the stannart screivit submission ablow doesnae wark wi yer needs, let us ken via info@handsupfortrad.scot an we’ll mak shair yer able tae participate.
T&Cs
- Wi aw successful applications, ye’ll hae tae senn us in a brief, twa hunner words account o how ye yaised the money, alang wi a photie or video o the event itsel. Audience feedback wad be welcome.
- Ye’ll hae tae mention baith Creative Scotland and Hands Up for Trad in aw yer marketin materials an online.
- Awhin onybody creates wi the help o this grant belangs tae the creator, no tae us.
- We cannae accept applications fae for-profit companies, or thaim wha’s in fu-time education, academics nor education professionals. We cannae fund wark that’s fur commercial purposes.
- Ye cannae purchase equipment wi this siller, but ye can pey fir materials.
- Aabdy involved in the project maun tak tent o stannart industry rates, though wiles they may gie their time in-kind.
- Hands Up for Trad’s decision is final.
- We’ll gie ye 80% o the fundin at the stairt, an the final 20% aifter ye’ve completit the project and gied us a short report on how it aw gaed.