Weel duin tae Keith Traditional Music & Song Association (TMSA) Festival wha hae bin nominatit in Scots Project o the Year sponsored by Scots Radio in the Scots Language Awards. Vote now!
The Scots Language Awards are in the Gardyne Theatre, Dundee on 24th September at 7pm. Tickets for the ceremony are available to buy here: https://dundeeboxoffice.co.uk. If you cannae make it you can hae a swatch o it online. You can a buy an online ticket here for that.
We askit Gary Coull o Keith Traditional Music & Song Association (TMSA) Festival thae speirins.
Tell us aboot yersel or yer ootfit.
Keith TMSA Festival wis first held on 11th – 13th June 1976 unner the chairmanship o the legendary Jim Reid. Since then the very best traditional musicians and singers in the country hiv bin entertainin in venues ah ower the toun. It's a fantastic weekeyne o traditional music, sang, duncin and verse wi concerts, dunces, sessions, sing-a-roons an a great screed o competitions for adults and bairns.
Whit wis it got ye involvit wi the Scots leid?
Doric is the mither tongue o Keith an the surroundin area and fit better wye tae celebrate, promote and preserve it than throu a Festival o music an sang. Oor competitions are key tae that as it gees young and auld fowk alike the chunce tae tak pairt and use their language in a mair formal settin. It also gees fowk the chunce tae come the gither and enjoy a tune, a sang or a poem – fit cwid be better?!
Ony particlar career heighlichts
There's been as mony heighlichts ower the last 47 year but some include oor Silver Jubilee festival in 2000, welcomin a choir fae Montenegro tae sing for oor 30th anniversary, oor 40th anniversary wi Blazin Fiddles an oor first Festival back efter covid. It's bin a privilege for us tae hear fae some o the best Scots tradition bearers in the land – fowk like Tam Reid, Joe Aitken, Sheena Wellington, Ian Middleton, Doris Rougvie, Foundry Bar Band, Robbie Shepherd and Jim Reid (as weel as mony, mony ithers). But also seeing some o the wunnerful talent that's grown up performin at the Festival. Fowk like Graeme Mitchell, Scott Gardiner, Shona Donaldson, Amy Papiransky and Paul Anderson tae name jist a puckle. Also, helpin tae get Keith the accolade o bein the first Scots Toun wis braw!
Wha’s yer plans fir the days aheid?
We're afa keen tae keep encouragin fowk o ah ages tae write and spik in Scots an we'll keep deein that throu oor written and performance competitions. We're lookin forrit tae oor neist Festival on the weekeyne o 9th – 11th June 2023 which we're in the plannin o the noo. We canna wait tae bring mair traditional music and sang tae audiences and tae share the joy o the Scots language wi ithers.
Read more about Keith Traditional Music & Song Association (TMSA) Festival
The Scots Language Awards are in the Gardyne Theatre, Dundee on 24th September at 7pm. Tickets are available to buy here: https://dundeeboxoffice.co.uk Performing on Saturday 24th September include Bruce Fummey, Hamish Macdonald, Beth Malcome and Robyn Stapleton.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad