Dinna ging castin ony cloots oor early. An afore onybody says – it’s the Mayfloor wir spikkin aboot – itherwise kent as the Hawthorn. In Episode 58 o Scots Radio, wi hear fae Rosemary Ward fae the Scottish Book Trust aboot plans for this year – includin a spleet new award for publishers o Scots. Wiv got Kay Gibb fae the Scottish Curlin Trust on the ice spikkin aboot their new exhibition an wiv got a video wi Kay on oor webpage. We jine Richard Ross in his Tea plantation in the Perthshire hills. Aye – Tea plantation! So – ye niver ken fit micht happen wi oor wither – keep on yir cloots an Liberty Bodices. Enjoy the programme.