Accordin tae the 2011 Census, mair nor ae meillion an a hauf fowk in Scotland the day spaik in the Scots tung. The Scots leid, or ‘Lallans’ as it was aince better kent, is an important pairt o Scottish life. It haes mony dialects sic as Doric in the Nor East an Soothron Scots in The Borders. Auld an young yins thegither spaik the leid, an thirs variations tae in the weys tae hear it in a toon sic as Glesca whaur thae spaik a West Central dialect, an the Scotch soonds o the likes o Dundee mair tae the east.
The leid, brocht ower the Nor Sea by a tribe cried the Angles, is mair nor a thoosand year auld. It cam intae its ain in Scotland in the Middle Ages growin fae the Inglis tung o the Angles intae oor ain sindrie Scots Leid.
Scots was the leid o Scotland’s National poet Robert Burns. He scrievit a muckle amoont o his bonnie poetry in it. Een the weel thocht o poets an scrievers o the day are drawn tae yaise the leid in thir wirk. Scots is ane o the maist publishit minority leids in the warld. In 2017 Matthew Fitt turnit Harry Potter an The Philosopher’s Stane into Scots makin it ane o the maist popular Scots leid buiks ivir.
Tak a luik at this resource ablaw for a puckle o grand Scots wirds tae yaise in yer iviry day livin.
A Hunner Colourfu Wirds Tae Yaise Insteid O “Said”
(Colour version)
https://www.dropbox.com/s/m2ymegz08ll8pgg/HUFT_SAID_%28Sept17%29_colour.pdf?dl=0
(Black and White version)
https://www.dropbox.com/s/c7v55bch9k7p96c/HUFT_SAID_%28Sept17%29_b%2Bw.pdf?dl=0