Weel duin tae TRACS (Tradeitional Airts & Cultur Scotland) wha hae bin nominatit in Scots Project o the Year in the Scots Language Awards. Vote now!
The Scots Language Awards are in the Johstone Toon Ha, Johnstone on 16th September at 7pm. Tickets fir the ceremony are available tae buy here: https://handsup.link/SLA-BuyTickets.
We askit Steve Byrne o TRACS (Tradeitional Airts & Cultur Scotland) thae speirins.
Tell us aboot yersel or yer ootfit.
TRACS stertit in 2012 whan the Tradeitional Music Forum, Scottish Storytellin Forum an Tradeitional Dance Collogue o Scotland cam thegither tae mak a co-operative netwark ettlin tae gie a lift tae oor linkit tradeitions o music, sang, storytellin, crafts, weys o daein, an hamelt leids.
Whit wis it got ye involvit wi the Scots leid?
Maist o oor weys o singin, pleyin, dancin an sic like haes strang links wi the Scots an Gaelic leids, ye canna dae withoot it!
Why dae ye feel it is important tae use Scots in everyday life?
Like Billy Kay aye says, tak tent ere it's tint. We maun uise Scots in ilkaday life tae mak shair it's a normal wey o daein, giein fowk confidence that spaekin Scots isna oniethin tae be feart, it's juist as guid a leid as onie ither!
Dae ye hae a favourite Scots phrase or saying?
Is there a Scots speaker who inspires you?
Do you hear Scots spoken regularly in your local area? Have you noticed any changes over time?
Ony particlar career heighlichts
We've haed a rare time the lest twa year daein oor People's Parish projeck, wirkin wi fowk in communities aa ower the kintra tae tell the story o whaur they bide. Thon's oor breid an butter!
Wha’s yer plans fir the days aheid?
Ower the neist whilie we'll be ettlin tae get oor ain Languages Plan brocht up tae date tae mak shair we dae oor best tae forder aa the hamelt leids in Scotland: Scots, Gaelic an the Cant an Beurla Reagaird o the Traivellin fowk.
Read more about TRACS (Tradeitional Airts & Cultur Scotland)
http://tracscotland.org
Facebook: http://www.facebook.com/TRACScot
Twitter: http://www.twitter.com/TRACScot
Instagram: http://www.instagram.com/tracscotland
The Scots Language Awards are in the Johnstone Toon Ha, Johnstone on 16th September at 7pm. Tickets are available to buy here: https://handsup.link/SLA-BuyTickets There wull be some grand entertainmint oan the nicht tae, includin a recital fae Renfrewshire’s poet laureate Shaun Moore,wha wis appointit as the region’s Tannahill Makar last year. talks fae weel regairdit Scots scrievers Cat Cochrane an Shane Strachan, alang wi musical performances fae celebratit multi-instumentalist brithers Euan and Lewis McLaughlin, an sangster Iona Fyfe.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad