Weel duin tae Doric Books CIC wha hae bin nominatit in Scots Book o the Year in the Scots Language Awards. Vote now!
The Scots Language Awards are in the Johstone Toon Ha, Johnstone on 16th September at 7pm. Tickets fir the ceremony are available tae buy here: https://handsup.link/SLA-BuyTickets.
We askit Jackie Ross o Doric Books CIC thae speirins.
Tell us aboot yersel or yer ootfit.
Fin Aaron Gale (author/illustrator) an Jackie Ross (storyteller/author) got igither their imaginations gaed wild! They stairtit tae dream braw dreams. Widn't it be gran iv mair stories wir telt in Northeast Scots sae folk cud enjoy readin an hearin thir mither tongue mair aften? Fit wid it be like tae hae puckles o pictur buiks written in Doric aat mithers an faithers, grunnies an grandas cud read tae e bairns? E mair they thocht aboot it e mair they winnert 'Fit's stoppin us?'
Sae Doric Books wis born!
We wint tae be pairt o a warld far Scots is fully kent as a language. A warld, far Doric, as a dialect o Scots, is vailyed an enjoyed in hames, skweels an communities across e Northeast o Scotland an ayont. A warld aat vailyes local cultural identity an diversity.
We wint tae encourage folk tae eese Scots far ivver they can. Sae we set Doric Books up as a Community Interest Company (CIC). Iss means aat we exist tae benefit e Doric spikkin community. We'll dee iss bi publishin buiks in Doric an bi haudin Doric wirkshops an events in skweels, Care Hames an ither community settins. We wint folk tae hae e chunce tae eese oor mither tongue ony place they ging.
Whit wis it got ye involvit wi the Scots leid?
Jackie's mither tongue is Scots – she spiks it near aa the time. She wints aabdy tae be prood o oor mither language an tae feel free tae spik it finivver they wint.
Aaron wintit his bairns tae hae an experience o e language. He wisnae brocht up tae spik e Doric bit he myns fine listenin tae his grunny an granda, an learnin The Puddock at e skweel. He fair enjoys screivin in Doric noo-a-days an wintsaabdy tae hae e chunce tae learn Scots.
Why dae ye feel it is important tae use Scots in everyday life?
Jackie daes spik Scots in everyday life – it's her mither tongue. Language is aa tied up wi fae we are an foo we think – it's integral tae oor identity sae folk need tae spik it in daily life, nae jist fur 'speecial events'.
Dae ye hae a favourite Scots phrase or saying?
Puckles! Here's een or twa:
* Dinna fash yersel quine!
* Haud gaun.
* Ay, aa ae oo (Yes, all one wool)
* There’s nae feel like an auld feel!
* We’re a’ Jock Tamson’s bairns
Is there a Scots speaker who inspires you?
I wis lucky tae hae a dominie fae lut us spik Doric in skweel – in fack he encouraged us. He's awa noo bit I'm aye gratfu tae Doug Aberdeen.
Do you hear Scots spoken regularly in your local area? Have you noticed any changes over time?
Ay
Ony particlar career heighlichts
Hichlichts fur Doric Books CIC include:
* Bein nominated fur three Scots Language Awards (nae includin iss year's eens)
* Bein nominated fur an Inspiring Aberdeenshire Award
* Publishing echt beuks
* Deliverin a series o Doric Rhyme Times fur Bairns tae mair nor 200 fowk
* Deliverin 8 Doric Blethers tae care hames in a past year
* Wirkin wi Jo Gilbert tae publish Tales Fae the Doric Side
* Wirkin wi Monymusk Primary tae publish Jock's Daunder Roon Monymusk
Wha’s yer plans fir the days aheid?
* We're awa tae wirk wi twa skweels in Aiberdeen tae publish beuks screived in Doric
* We hiv oor first graphic novel cumin oot afore lang
* Aberdeen Voluntary Action hiv pit in fur fundin tae wirk wi's tae deliver mair Doric Blethers in care hames
* We've pit in fur fundin tae dee mair Doric Rhyme Times fur Bairns
Read more about Doric Books CIC
http://www.doricbooks.com
Facebook: http://www.facebook.com/doricbooks
Twitter: http://www.twitter.com/booksdoric
Instagram: http://www.instagram.com/doricbooks
The Scots Language Awards are in the Johnstone Toon Ha, Johnstone on 16th September at 7pm. Tickets are available to buy here: https://handsup.link/SLA-BuyTickets There wull be some grand entertainmint oan the nicht tae, includin a recital fae Renfrewshire’s poet laureate Shaun Moore,wha wis appointit as the region’s Tannahill Makar last year. talks fae weel regairdit Scots scrievers Cat Cochrane an Shane Strachan, alang wi musical performances fae celebratit multi-instumentalist brithers Euan and Lewis McLaughlin, an sangster Iona Fyfe.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad