Weel duin tae The Maiden’s Leap with Historic Environment Scotland and Perth High School wha hae bin nominatit in Scots Project o the Year sponsored by Scots Radio in the Scots Language Awards. Vote now!
The Scots Language Awards are in the Gardyne Theatre, Dundee on 24th September at 7pm. Tickets for the ceremony are available to buy here: https://dundeeboxoffice.co.uk. If you cannae make it you can hae a swatch o it online. You can a buy an online ticket here for that.
We askit Fiona Davidson o The Maiden’s Leap with Historic Environment Scotland and Perth High School thae speirins.
Tell us aboot yersel or yer ootfit.
The Lairnin an Inclusion Team in Historic Environment Scotland deliver programmes an create resources thit yaise Scotland’s historic places an collections tae support lairnin an wellbein fir a’body. As pairt ae a Year o Stories project, we wantit tae include sum Scots content in a magazine thit wis gettin put thegither. So colleagues asked masel (Fiona Davidson) tae scrieve a poyum in Scots based oan the weel-kent Maiden’s Leap story fae Huntingtower Castle. The poyum wis then illustrated an turned intae an animation thit a wis asked tae narrate in Scots. We asked Perth High Schuil if they wanted tae collaborate wi us oan the project. English teachers Kerry Fraser an Tim Kearns wer brilliant an got thir S1 bairns oan board tae create a Scots glossary fir the poyum. The bairns lairned aw aboot the castle an its stories, then hud a go at scrievin thir ain poyums inspired bi the castle. We published sum ae thir poyums in the feenished project magazine thit wis sent oot tae faimilies aw across Scotland tae yaise an enjoy ower the summer. The poyums huv been pit up oan oor website an a. Its yin ae the first times we’ve included Scots in oor projects.
Whit wis it got ye involvit wi the Scots leid?
Oan a personal level, a’ve aiways spoken Scots bit nivver really hud an opportunity tae yaise it at wirk, ither than when a’m bletherin wi fowk! Scots is pairt ae the stories ae oor historic sites an the fowk whae lived an wirked at them, so we should be makin mair ae it. When colleagues wer pittin thegither the magazine fir the Year o Stories project, they asked if a wid scrieve sum Scots content fir it, as they’d seen hings a’d pit oot on social media. Social media hus been a real game chynger in giein a platform fir fowk tae yaise their ain leid.
Ony particlar career heighlichts
In terms ae Scots, seein the leid ye yaise scrievin doon as weel as hearin it as pairt ae formal Historic Environment Scotland lairnin resources! An a wis fair chuffed thit wirk a produced could be yaised bi a schuil as pairt ae thir lairnin.
Wha’s yer plans fir the days aheid?
Fir the Lairnin & Inclusion Team, it wid be great tae create mair opportunities tae include Scots in oor wirk gauin forrit, as weel as mair widely across the organisation itsel. Fir me personally, a need tae git ma creative heid oan an git scrievin sum poetry fir the upcoming #Scotstober initiative – its a braw opportunity tae git inspiration tae scrieve in Scots!
Read more about The Maiden’s Leap with Historic Environment Scotland and Perth High School
https://www.historicenvironment.scot/learn/inspired-by-the-past/the-maidens-leap/
Facebook: https://www.facebook.com/HistoricEnvScotland//
Twitter: https://twitter.com/histenvscot
Instagram: https://www.instagram.com/histenvscot/
The Scots Language Awards are in the Gardyne Theatre, Dundee on 24th September at 7pm. Tickets are available to buy here: https://dundeeboxoffice.co.uk Performing on Saturday 24th September include Bruce Fummey, Hamish Macdonald, Beth Malcome and Robyn Stapleton.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad