Weel duin tae Jackie Ross wha hae bin nominatit in Scots Speaker o the Year sponsored by Scots Language Centre in the Scots Language Awards. Vote now!
The Scots Language Awards are in the Gardyne Theatre, Dundee on 24th September at 7pm. Tickets for the ceremony are available to buy here: https://dundeeboxoffice.co.uk. If you cannae make it you can hae a swatch o it online. You can a buy an online ticket here for that.
We askit Jackie Ross o Jackie Ross thae speirins.
Tell us aboot yersel or yer ootfit.
I'm a retired teacher, a storyteller an a publisher o books written in Doric. I hiv a real passion fur ma mither tongue an like nithin mair nor haein a blether!
Whit wis it got ye involvit wi the Scots leid?
I've aye been a Scots spiker – it's fit a grew up spikkin an I wis lucky eneuch tae hae a dominie fae encouraged us tae eese oor mither tongue. As a storyteller I enjoy tellin stories in Scots, especially local legends. An mair recently I've enjoyt writin tales in Doric and deein Doric Rhyme Time fur Bairns and Doric Blethers fur Carehames as pairt o Doric Books community ootreach..
Ony particlar career heighlichts
Settin up Doric Books CIC durin lockdoon is fairly een o e best things I've ivver been involved in. We publish beuks fur bairns written in North-East Scots an offer storytellin an wirkshops fur skweels an community groups.
Deliverin tutorials aboot Scots Language tae student teachers at e University o Aiberdeen an helpin tae promote e teachin o oor leid tae bairns gaun intae e future.
Wha’s yer plans fir the days aheid?
Dee mair o fit I've been deein! Mair Doric Rhyme Times fur bairns; mair Doric Blethers in Carehames an libraries; mair storytellin in skweels; mair tutorials fur student teachers; publishing mair beuks in Doric.
Read more about Jackie Ross
http://doricbooks.com
Facebook: http://www.facebook.com/doricbooks
Twitter: http://www.twitter.com/booksdoric
Instagram: http://www.instagram.com/doricbooks
The Scots Language Awards are in the Gardyne Theatre, Dundee on 24th September at 7pm. Tickets are available to buy here: https://dundeeboxoffice.co.uk Performing on Saturday 24th September include Bruce Fummey, Hamish Macdonald, Beth Malcome and Robyn Stapleton.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad