Weel duin tae Aiberdeen Mannie wha hae bin nominatit in Scots Media Person o the Year in the Scots Language Awards. Vote now!
The Scots Language Awards are in the Johstone Toon Ha, Johnstone on 16th September at 7pm. Tickets fir the ceremony are available tae buy here: https://handsup.link/SLA-BuyTickets.
We askit Duncan Dallas o Aiberdeen Mannie thae speirins.
Tell us aboot yersel or yer ootfit.
Am a middle aged mannie fae Aiberdeen. Hiv got an Instagram account faur ah post aboot fit am up ti, fit ma missus is up ti an fit ah hink aboot ih Dons. Regular segments include "fit's in ih fridge?", "Faur di ye get yer fashion?" and "faur are ye min?". Hiv deen a bit o stand up and dee a regular pub quiz an a'.
Whit wis it got ye involvit wi the Scots leid?
Bidin in ih North East o Scotland!
Why dae ye feel it is important tae use Scots in everyday life?
Fit why would ye nae? At's how a lot o folk spik. It's ih language o love an a'…
Dae ye hae a favourite Scots phrase or saying?
Dinna fash yersel!
Is there a Scots speaker who inspires you?
Roisin fae River City, AKA Joyce Falconer.
Do you hear Scots spoken regularly in your local area? Have you noticed any changes over time?
A' ih time. Only change I've noticed is 'at mair folk spik it freely in Aiberdeen. Yeesed ti be ye were telt ti spik "proper"
Ony particlar career heighlichts
Best years are aheid o' mi!
Wha’s yer plans fir the days aheid?
Chavvin awa
Read more about Aiberdeen Mannie
http://https://www.instagram.com/aiberdeenmannie/
Facebook: http://www.facebook.com/
Twitter: http://www.twitter.com/
Instagram: http://www.instagram.com/
The Scots Language Awards are in the Johnstone Toon Ha, Johnstone on 16th September at 7pm. Tickets are available to buy here: https://handsup.link/SLA-BuyTickets There wull be some grand entertainmint oan the nicht tae, includin a recital fae Renfrewshire’s poet laureate Shaun Moore,wha wis appointit as the region’s Tannahill Makar last year. talks fae weel regairdit Scots scrievers Cat Cochrane an Shane Strachan, alang wi musical performances fae celebratit multi-instumentalist brithers Euan and Lewis McLaughlin, an sangster Iona Fyfe.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad