Weel duin tae Yer Awrite wha hae bin nominatit in Media Person o the Year sponsored by Dictionaries of the Scots Language in the Scots Language Awards. Vote now!
We askit Kat Connelly o Yer Awrite thae speirins. Vote now!
Tell us aboot yersel or yer ootfit.
Ma name is Kat and am the founder/creator a the Scottish positivity and mental health blog oan Instagram known as yer_awrite. I am an illustrator an patter merchant using ma daily ‘yella square’ doodles tae highlight the every day aspects a mental health through the promotion an relatability a the Scots language/Glaswegian dialect. A hink it’s important tae normalise these hings through culture an reach mer people tae ensure a wider conversation kin take place. The blog grew arms an legs and became a small business, selling Yer Awrite merch that also benefits local suicide prevention charity Chris’s House.
Whit wis it got ye involvit wi the Scots leid?
Am a proud Glesga burd. A grew up in whit wid be classed as a deprived area in Glasgow an am aw too familiar wae the types a stigma that huv been associated wae this, language an accent being wan a them. A want people who ur similar tae masel tae be proud a where they came fae tae, no tae feel like they huv tae change theirsel or their accent tae feel or be accepted in a society where their views very much matter. A wanted Yer Awrite tae be inclusive a everybody, aw too often conversations aboot mental health ur hud behind closed doors an a felt that by writing in ma Glasweigan dialect a could bring they conversations oot fae behind the door, using social media tae drive an normalise the fact that we aw deserve tae be part a this conversation.
Ony particlar career heighlichts
Through Yer Awrite a huv been able tae fundraise for Chris’s House charity raising over £6000 for their organisation, a huv a target a 10K!
A huv been given the opportunity tae become an ambassador for Royston Youth Action, bringing attention an awareness tae the value a weans an young people in oor city.
A wis asked tae collaborate wae Club Badge FC (the official Scotland FC pin badge creators) tae design a limited edition Euro 2020/21 pin.
Ma yella squares ur shared aw o’er social media an ma DM’s ur teaming wae folk that let me know how much they feel supported through them due tae the honesty they feel Yer Awrite demonstrates daily.
Av hud hunners a highlights in the last 2 year a Yer Awrite tae be honest but connecting wae people an making them feel better aboot theirsel is a gift an highlight that is priceless.
Wha’s yer plans fir the days aheid?
Yella domination a course!!
A huv a few hings up ma sleeve, a lot tae dae wae further reaching youth an young people here in Glesga an beyond and continuing ma charity work that benefits so many folk.
a always tell people ‘we’re a team roon here’ so it’s ma goal tae keep an grow that team!!
Read more about Yer Awrite
http://www.yerawrite.com
Facebook: http://www.facebook.com/
Twitter: http://www.twitter.com/
Instagram: http://www.instagram.com/yer_awrite
The Scots Language Awards are in the Gardyne Theatre, Dundee on 25th September at 7pm. Tickets are available to buy here: https://www.gardynetheatre.org.uk/show/the-scots-language-awards/ Performing on Saturday 25th September include Ellie Beaton, Anna Stewart, Gemma Johnson and more to be announced.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad