Wee Grants for Creativity in the Scots Leid wis launchit in 2023, wi fundit projects takkin place ilka year sin syne.
We’ve pit twa three exaimples o succesfu applications here, tae help fowk get a sense o whit we’re aifter.
“Blether “
Dundee-based Elfie Picket theatre yaised the siller tae get a Scots Language performance nicht stairtit in the city ilka month. The siller wis gied oot tae acts wha perform tae an audience, an wis yaised tae pey fir Elfie Picket’s time in settin aahin up. Blether is noo a fixture in Dundee’s cultural calendar. Braw wark!
“Auchies Spikkin Auchie“
A projeck whaur ae Auchie lass went aboot gaitherin up recordings fae the aulder fowk in the village, including her ain family, an settin it tae music. Ae magazine cried it “Grace Stewart-Skinner’s musical tribute to a fading dialect.”
The projeck minded aabdy aboot the risk Scots faces: dialects can dee oot. It also helped introduce Grace mair intae the supportive Scots Leid scene.
The Wee Grants siller peyed for the costs o makkin the album.
“Fergusson’s Auld Reekie”
A gaitherin o Scots talents got thegither tae pit oan a nicht celebratin Robert Fergusson, the Scots poet, wha deid twa hunner an fifty year syne. The siller gaed tae peyin performers fir rehearsal time, aheid o a ticketed performance.