Hands Up For Trad wid like tae hae yer company at the third ‘Hall O Fame Dinner’ on Friday 24th October at The Oran Mor, Glesga when they will pay tribute tae this year’s inductees.
Ivery year, Hands Up For Trad gies honour tae a wheen o the guid folk wha, ower the years, hae dedicatit thirsels tae Scotland’s traditional music an airts. The folk we cuidna hae done withoot. Thaim that strived tae mak shuir oor music steyed at the hert o national life.
The ‘Hall O Fame’ has seen mony fine singers and musicians, some o them nae mair o this warld, gied thir richtfu place in the lists o the traditions maist admired an respeckit.
In 2014, the Hall O Fame inductees will be:
The Clutha
The Whistlebinkies
Ian Holmes
Andy Thorburn
Margaret Bennett
Hamish Moore
Departed
Archie Grant
Danny Kyle
Davy Steele
Ishbel McAskill
Jimmy Blue
Hamish Henderson
Davie Henderson
The Oran Mor is a richt braw venue, ain o Glesga’s finest. Thir will be a 3 coorse dinner wi entertainment frae some o Scotland’s maist notable folk musicians includin Robyn Stapleton, the BBC Young Traditional Musician 2014. Noo thair’s a lass that can sing like a lintie! The host fir the nicht will be Robin Morton, the heid man at Temple Records an hissel in the Hall O Fame.
It shuid be a grand nicht oot an a’body frae Hands Up For Trad wid be delichted tae see ye.
Thir’s A rare dinner menu for ye tae swither ower. Ye can tak a keek at it here…link… It looks tasty if no mooth-watterin!
A rare menu for ye tae swither ower. Jist chuise whitna stairter, main an dessert ye’d like.
Stairters
Slow Roastit Tomato Kail wi Basil Butter
A fine Fermhoose Paste wi Aipricots an Beltane Bannocks
Scots Gaits Cheese wi Beetruit Paste on Toastit Brioche servit wi a wheen o Fresh Leaves an a tasty Balsamic Dressin.
Mains
Oats-fed Hen Breist wi Wild Mushrooms, servit wi a Pea Risotto, Roastit Pine Nuts an a Sauternes Gravy.
Seared Salmon Fillet servit wi Champit Tatties a mixter maxter Ratatouille an Fresh Basil Pesto.
Ingan Tairt o Shallots an Fennel wi a crummle o Blue Cheese an a Parsnip Ream
Dessert
Aipple Crummle in a Tairt servit wi whippit cream
Elderflooer an Key Lime Pie wi a Ginger Bannock Base
Warm Treacle Tairt wi Vanilla Ice Cream.
Buy your tickets here!