Ower the weekend o 23rd an 24th October, the 2020 Scots Language Awards, wir celebatit online wi a gaitherin o kenspeckle fowk fae aa the airts includin comic Janey Godley. Twa days dedicatit tae Scots leid an cultur saw a Fridaynicht concert fae sangster Iona Fyfe an her trio. Forby the Setturday nicht Scots Language Awards wi the annooncin o the winners, in the coorse o the day thir wis the ‘Wee Gaitherin’, a series o collogues on the Scots leid.
Scriever an broadcaster Alistair Heather hostit the Awards ceremony on the event organiser’s Hands Up For Trad Facebook an YouTube channels.
The Awards gie richtfu recognition tae the mony dedicatit fowk wha in days lang syne an in oor ain times gie a muckle amoont o thirsels tae makin shair the guid Scots leid is keepit tae the fore in its cultur, music an wirds.
Public votin on the nominees wis cairrit oot atween 5th an 18th October at www.scotslanguageawards.com
The award for Scots Speaker o’ the Year went tae comic Janey Godley. In thae soberin times o this virus pandemic, she hae makit voiceowers in her ain style an leid fae a wheen o the First Meenister’s Covid briefins. Janey Godley hae gied us a guid lauch, yet wi the richt message, an she hae gied us a new catch-phrase wi ‘Frank, get the door’.
Janey, makin an unexpectit appearance at the event, telt the audience: “I am absolutely stunned and honoured to win an award for something that I was told to be ashamed of for so long, my ain Scots tongue.”
Event foonder Simon Thoumire fae organisers Hands Up For Trad said: “Janey’s voiceowers aa haed an inklin o the public health briefin messages at thir hert while makin shair we cuid fin lauchter at the situation, it was sic a joy to hae her jine the Scots Language Awards audience live on the nicht, an we wir delichtit tae receive a record number o public votes for her.”
Deputy First Minister John Swinney statit : The Scottish Governmint is prood tae be a sponsor o the Scots Language Awards again this year. We hae seen a breadth o talent cam tae the fore in the past twa year an this can anly gae fae strength tae strength while increasin the uis o Scots in iveryday life.
“Ma congratulations tae aa thae wha wir nominatit an ah wish them weel in the future.”
Viewers wir treatit tae videos, live blethers an interviews wi the Winners o 12 Awards, as weel as performances fae Gerda Stevenson, Jim Malcolm, Shona Donaldson and last year’s Scots Performer o the Year Winner Gary Robertson. Winners includit the Lifelang Achievement Award, won by Jack Stuart, an the Janet Paisley Services to Scots Award sponsored by Creative Scotland, which this year went tae James Robertson. See ablaw for the fu list o winners.
Karen Dick, Interim Head of Place, Partnerships & Communities at Creative Scotland said: “This second edition o the Scots Language Awards is a fantastic celebration o the vibrancy an diversity o Scots leid an cultur. This year, Creative Scotland is especially prood tae sponsor the Janet Paisley Services tae Scots Award. Forby, we wid like tae offer oor mony congratulations tae James Robertson, recognisin a lifetime o achievemint as a scriever, poet, editor and ambassador for the Scots leid.”
Marylin MacLean Waters, Qualifications Manager of Languages in Scots, German, Urdu, Gaelic (Learners and Gàidhlig at the SQA Qualifications Directorate added: “Thank you tae Hands Up For Trad for the chance tae be involved in this year’s Scots Language Awards again. SQA developed and launched a wheen o new qualifications in Scots back in 2014 (www.sqa.org.uk/sqa/70056.html). Workin closely wi oor networks o teachers an education professionals, it is fantastic tae see how students o aa ages hae embraced wholehertitly the opportunity tae learn aboot the history an developmint o Scots, an tae communicate in Scots in contemporary, creative an incredibly inspirin ways. Although things are lookin very different this year, the pooer o Scots tae bring creative an professional communities thegither continues tae grow, as this excellent event demonstrates aa too weel. Guid luck aabody!”
Hands Up For Trad, buildin on the success o thir ‘Blether wi’ Heather’ broadcasts durin lockdoon, presenter Alistair Heather this week spoke online wi Itchy Coo’s Matthew Fitt an James Robertson, an hostit a live Wee Gaitherin’ atween 11am an 5pm on the Setturday. The Wee Gaitherin’ includit sessions wi Shetland ForWirds, Faa-Fit an Fitwye (includin Frieda Morrison, Director o Scots Radio, and Dawn Leslie fae Aberdeen University, an Oor Vyce. At 3pm the Scots In Education session saw The Scots Language Centre’s Laura Green jined by scriever/storyteller Susi Briggs an Scottish Language Dictionaries’ CEO Rhona Alcorn tae blether aboot aa that is new an excitin in Scots in education. Audiences learned aboot hoo Scots features in the curriculum at different stages, the impact that it haes on bairns an the resources available tae help bairns learn Scots.
Bruce Eunson of Education Scotland said: “Followin on fae the inaugural awards in 2019, it’s fantastic tae see sae mony inspirin projects, books an fowk gittin a chance tae share an celebrate thir wark. We at Education Scotland ir delighted tae be involved agayn, an wid lik tae gie a big thank you tae aa the schuils, teachers, wee weans an braw bairns wha hiv excelled in thir use o Scots language in classrooms aa across the country.”
The 12 Award Categories, Sponsors & Winners are:
1) Scots Writer o the Year
2) Scots Media Person o the Year
Paul McNichol and Ronny Costello, Dode Fox Podcast, (Dundee Utd. Podcast)
3) Scots Bairns Book o the Year, sponsored by Scottish Government
The Itchy Coo Book o Hans Christian Andersen by various (Itchy Coo)
4) Scots Speaker o the Year
5) Young Scots Writer sponsored by Education Scotland
6) Scots Teacher o the Year, sponsored by the Scottish Qualifications Authority
Claire Kerr, St Andrew’s Primary School
7) Scots Schuil o the Year, sponsored by Itchy Coo and Black & White Publishing
Banff Academy, Aberdeenshire
8) Scots Project o the Year
Wee Windaes – National Library of Scotland
9) Scots Business o the Year
The Wee Book Company
10) Scots Performer o the Year sponsored by Traditional Arts & Culture Scotland (TRACS)
11) The Lifelang Achievement Award
12) Janet Paisley Services to Scots sponsored by Creative Scotland
Simon Thoumire of organisers Hands Up For Trad finished saying: “I’m sae thrilled at the calibre o this year’s incredible winners for 2020’s Scots Language Awards, which in aa weys are reflective o the pivots takin place within cultur due tae Coronavirus an the lockdoon.”
Organisin boady Hands Up for Trad is fundit bi the National Lottery throu Creative Scotland, an cam aboot in 2002 tae grow awaurness o Scottish traditional music an cultur makin it mair visible throu wittins, advocacie an eddication tae airtists, participants an audiences.
In 2019, The United Nations Year o Indigenous Language, Hands Up for Trad alang wi Creative Scotland brocht forrit The Scots Language Awards, a new annual award ceremony celebratin the verra best in Scotland’s strang cultural calendar an giein cognizance tae oor ain guid Scots leid. In a grand nicht at Glasgow’s Mitchell Library Theatre, the Award’s mony ither sponsors includin Education Scotland an Itchy Coo / Black & White Publishin gaithert thegither for a nicht o music an entertainmint tae celebrate an reward excellence in schuils, communities and airts.
Wi a speerit o optimism, Hands Up For Trad hae makit plans for Dundee’s bonny Marriat Ha, a pairt o the toon’s Caird Ha complex, tae host the 2021 Scots Language Awards. Anent the 2020 Awards takin place online, it’s aa aboot keepin the Scots leid an the braw fowk wirkin wi it in the public ee, keepin gaein forrit an makin the event happen.
The Scots leid hae lang bin yaised bi scrievers, spikken in oor weel kent films an camin mair an mair tae the fore ilka year whan communities jine wi ilk ither, the media, fowk o influence an the lik bi wey o social media.
Stey abreist oan Twitter @handsupfortrad Instagram @handsupfortrad Tak tent o us oan Facebook www.facebook.com/handsupfortrad an yaise hashtag
Keep up to date on Twitter @handsupfortrad Instagram @handsupfortrad, watch on Facebook www.facebook.com/handsupfortrad and use hashtag
Press: For further information please contact Chris Hunt at Genuine via email@example.com
For more Janey Godley Images please visit janeygodley.com/download-graphics/
For logos and image of Awards Presenter Alistair Heather visit www.dropbox.com/sh/leuhc2uvr8u8qx5/AABMUTk_xmnG_JsXE9Ohnv3ia?dl=0
Press: For mair press information please contact Chris Hunt at Genuine via firstname.lastname@example.org
Notes tae Editors:
Creative Scotland is the public boady that supports the airts, film and creative industries across aa pairts o Scotland oan behalf o aabody wha bides, wirks or visits here. Thae mak it possible fir fowk an organisations tae wirk in, an experience the airts, film an creative industries in Scotland bi giein a haun tae ithers tae bring tae fruition grand ideas an mak thim cam tae life. Thae distreebute fundin providit by the Scottish Governmint an the National Lottery.
This post is also available in: English