Congratulations to Andrew Davidson who have been nominated in Scots Speaker o the Year in the Scots Language Awards 2020. Vote now!
We asked Andrew Davidson the following questions.
Tell us aboot yersel or yer ootfit.
I’m fae The Broch in the North East o Scotland an hae a backgrun in media, libraries an archives. Recently I’ve bin involved wi the production o Scots Radio an Grow Radio an hiv bin findin wyes tae use the Scots Leid in audio visual works that promote an celebrate it’s use bi fowk in naturalistic settins, nae explicitly spikkin aboot the leid, but lettin the leid spik for itsel.
Whit wis it got ye involvit wi the Scots leid?
Being fae the Nor-East corner, the variations in the Doric atween villages, aften only a puckle miles awa fae each alother his aiways fascinated me, as hiv the wyes this has changed ower the years. Fae this I’ve bin inspired tae look closer at the leid an the pairt it plays in the social history o the airt. I taen this notion on an used it as ane o the drivin motivations tae pit igither ane o my maist recent projects, Fraserburgh on Film. I hiv also bin involved iss eer wi Scots Radio an Grow Radio, an fae iss hiv bin gien the opportunity tae spik in podcasts an on film, an encourage ithers tae use it fan takin pairt in oor productions.
Ony particlar career heighlichts?
At the moment I’m fair tricket wi the reception o Fraserburgh on Film. I pit the project igither as pairt o my MSc at Robert Gordon University. It explores Doric vyces throw the use o oral history interviews conducted bi James Taylor in the 1980s as weel as the social history o the airt wi digitised 8mm film an ither digital artefacts. The site is also dual language an allows fowk the opportunity tae learn, reflect an contribute to their shared heritage. I’m currently shortlisted in the Digital Preservation Coalition Digital Preservation Awards so it his bin great tae be able tae tak the social history and leid o the Nor-East to an international stage.
Wha’s yer plans fir the days aheid?
I hiv anither audio visual project in the early stages o development that will hae a strong focus on the use o the Scots Leid aroon the country, combining stories an glimpses intae the lives o fowk fa use the leid in their everyday lives. Apairt fae at, I’ll continue tae work wi Scots Radio an Grow Radio an tae further develop oor ideas that encourage fowk tae spik, listen tae, engage wi an explore creative wyes o usin oor native tongue.
The Scots Language Awards 2020 will be online at www.scotslanguageawards.com. We will have a mixture of events on the 23rd / 24th October. Performing at the Award on Saturday 24th September will be Gerda Stevenson, Gary Robertson, Shona Donaldson and Jim Malcolm.
If you would like to support Hands Up for Trad in their work with Scottish trad music and musicians please consider supporting our Patreon campaign. We have 3 tiers starting at $1 a month and everything helps support us in our work. Read more at www.patreon.com/handsupfortrad
This post is also available in: English