This year, acause o the COVID emergency, Hands Up For Trad an Creative Scotland will celebrate the Scots Leid Awards online wi a weekend dedicatit tae braw Scots music an cultur.
Mak ready for a musical eenin oan Friday 23rd October wi bonny sangster Iona Fyfe an her Trio. Seturday 24th, fae 11am tae 5pm sees ‘The Wee Gaitherin’, a series o collogues on the Scots leid. At nicht, stairtin at 7.30pm, the Scots Leid Awards ceremony itsel, wi a gaitherin o kenspeckle fowk fae the aa the airts an the annooncin o the winners.
The Awards gie richtfu recognition tae the mony dedicatit fowk wha in times lang syne an noo gie thir aa tae makin shair the guid Scots leid is keepit tae the fore in its cultur, music an wirds.
Hostin the ceremony an presentin the Awards is scriever an broadcaster Alistair Heather. The eleeven categories include: The Janet Paisley Services tae Scots- whilk this year is awardit tae bard, scriever an editor James Robertson.
Performers Gerda Stevenson, Gary Robertson, Shona Donaldson an Jim Malcolm wull be alang tae entertain us at the Awards ceremony.
Votin fae Monday 5th October at Hands Up For Trad’s Facebook page & YouTube channels at https://www.surveymonkey.co.uk/r/scotslanguageawards
The Award Categories & Nominees are:
1) Scots Writer o the Year
2) Scots Media Person o the Year
- Colin Burnett
- Joanna Kopaczyk
- Paul McNichol and Ronny Costello, Dode Fox Podcast, (Dundee Utd Podcast)
- Stewart Bremner
3) Scots Bairns Book o the Year, sponsored by Scottish Government
- A Squatter o Bairn Rhymes by Stuart Paterson (Tippermuir)
- Asterix and the Olympic Gemmes by Matthew Fitt (Dalen Alba)
- Nib Nebs and the Last Berry by Susi Briggs (Curly Tale)
- Peppa and the Bonnie Unicorn by Thomas Clark (Black & White)
- Sonny and Me by Ross Sayers (Cranachan)
- The Itchy Coo Book o Hans Christian Andersen by various (Itchy Coo)
4) Scots Speaker o the Year
5) Young Scots Writer sponsored by Education Scotland
Due to the nature of this Award, Winners & Runners Up will be announced during the event.
6) Scots Teacher o the Year, sponsored by the Scottish Qualifications Authority
- Claire Kerr, St Andrew’s Primary School
- Eleanor Boyd, Hill of Beath Primary School
- Fiona MacNab, Fyvie Primary School
- Fiona McAllister, Lossiemouth High School
- Jamie Fairbairn, Banff Academy
- Jen Morrow, Braeview Academy, Dundee
- Sam Best, Smithycroft Secondary
- Shelley Procek, Carrongrange High School
7) Scots Schuil o the Year, sponsored by Itchy Coo and Black & White Publishing
- Banff Academy, Aberdeenshire
- Dunfermline High School, Fife
- Fyvie Primary School, Aberdeenshire
- Hill of Beath Primary School, Fife
- Lossiemouth High School, Moray
- Perth High School, Perth
- Smithycroft Secondary School, City of Glasgow
- St Andrew’s Primary School, Dumfries
8) Scots Project o the Year
- Champions 2020 – Scottish Poetry Library
- Doric Dwams wi Frieda Strachan and Shane Strachan
- Grow Radio
- Oor Vyce
- OU Scots Language and Culture course
- Wee Windaes – National Library of Scotland
9) Scots Business o the Year
- Cranachan Publishing
- Gie it Laldy, Glasgow
- Quirky Coo, Dundee www.quirkycoo.co.uk
- Susan McGill Designs
- The Wee Book Company https://www.theweebookcompany.com
10) Scots Performer o the Year sponsored by Tracs
11) Janet Paisley Lifetime Achievement Award sponsored by Creative Scotland
Awardit tae James Robertson
Simon Thoumire fae organisers Hands Up For Trad said: “It gies me a dirl tae see the calibre o this year’s unco fine nominees for the Scots Language Awards, whilk, in mony weys are reflective o the pivots camin oboot within cultur acause o lockdoon.”
Tae fin oot this year’s winners, jine us for the Awards Ceremony at 8pm Seturday 24th October, free online. Forby the Awards on Seturday nicht, in a new twist this year, fae 11am tae 5pm wir delichtit tae hae Laura Green o the Scottish Language Centre leadin a new free online programme o readins, fun and conversations caad ‘The Wee Gaitherin’. Jine in aa Hands Up For Trad’s weekend events oan thir Facebook page an on YouTube.
Organisin boady Hands Up for Trad is fundit bi the National Lottery throu Creative Scotland, an cam aboot in 2002 tae grow awaurness o Scottish traditional music an cultur makin it mair visible throu wittins, advocacie an eddication tae airtists, participants an audiences.
In 2019, The United Nations Year o Indigenous Language, Hands Up for Trad alang wi Creative Scotland brocht forrit The Scots Language Awards, a new annual award ceremony celebratin the verra best in Scotland’s strang cultural calendar an giein cognizance tae oor ain guid Scots leid. In a grand nicht at Glasgow’s Mitchell Library Theatre, the Award’s mony ither sponsors includin Education Scotland an Itchy Coo / Black & White Publishin gaithert thegither for a nicht o music an entertainmint tae celebrate an reward excellence in schuils, communities and airts.
Bruce Eunson of Education Scotland said: “Followin on fae the inaugural awards in 2019, it’s fantastic tae see sae mony inspirin projects, books an fowk gittin a chance tae share an celebrate thir wark. We at Education Scotland ir delighted tae be involved agayn, an wid lik tae gie a big thank you tae aa the schuils, teachers, wee weans an braw bairns wha hiv excelled in thir use o Scots language in classrooms aa across the country.”
Wi a speerit o optimism, Hands Up For Trad hae makit plans for Dundee’s bonny Marriat Ha, a pairt o the toon’s Caird Ha complex, tae host the 2021 Scots Language Awards. Anent the 2020 Awards takin place online, it’s aa aboot keepin the Scots leid an the braw fowk wirkin wi it in the public ee, keepin gaein forrit an makin the event happen.
The Scots leid hae lang bin yaised bi scrievers, spikken in oor weel kent films an camin mair an mair tae the fore ilka year whan communities jine wi ilk ither, the media, fowk o influence an the lik bi wey o social media.
Stey abreist oan Twitter @handsupfortrad Instagram @handsupfortrad Tak tent o us oan Facebook https://www.facebook.com/handsupfortrad an yaise hashtag #ScotsLeid2020 & #HUFTOnline