Hands Up For Trad are wantin YOU tae shawcase the richness o YOUR ain local Scots dialect wi a fun, innovative, online event frontit by twa glamorous young activists this Friday 4th June.
Buildin on the success o the Scots Language Awards, an the ‘Blether wi’ Heather’ broadcasts, Hands Up For Trad hae brocht thegither presentir, scriever, broadcaster Alistair (Ally) Heather wi musician an Scots campaigner Iona Fyfe, tae announce ‘Gies a Scots Phrase Day’ for Friday June 4th 2021.
The hail idea is tae bring fans an speikars o the leid oot ontae social media for a day celebratin the braid Scots tongue. They wid like aabody tae mak a wee recordin or video of thirsel sayin a phrase or twa in Scots an post it online yaisin the hashtags set oot ablow. It micht be a turn o phrase ye ken fae yer ain faimily or place or e’en a bittie fae ae o the mony Scots leid buiks. Thirs ay the poems o Robert Burns tae dip intae, stappit fu wi weel kent Scots phrases; or ye micht hae thochts on somethin fae the wirks o the mony ither braw Scots makars an scrievers. Onythin that taks yer fancy! It ettles tae be a day o fun wi a wheen o guid Scots wirds an phrases taein thir richtfu place centre stage promotin the leid wi a day o thair ain.
Anent the leid, Alistair an Iona hae makit a library o phrases that fowk keen tae lairn a bittie o Scots can yaise tae jine in the fun. The hashtags wull lat fowk fin ilka ithers online, lairn new phrases, an share oor guid Scots Leid:
Simon Thoumire, Hands Up For Trad said: “Time efter time, bringin fowk thegither online has proved itsel tae be a fantastic wey o sharin experiences an enjoyin the best in Scots cultur. We are delichtit to be pairt o ‘Gies A Scots Phrase Day’ which gies encouragemint tae Scots speikars as weel as the fowk wha micht like tae lairn a bit mair. This dedicatit day offers a bittie o fun, whiles, shawin the wey forrit tae the sindrie online resources whaur aabody intrestit can fin oot mair aboot the Scots Leid.”
Founders of the Scots Language Awards in 2019 Hands Up For Trad, fundit by National Lottery throu Creative Scotland, held a verra successfu Scot Language Awards weekend. In 2020 the Awards shaw wis presentit online by scriever and broadcaster Alistair Heather, and featured performances by sangster Iona Fyfe.
Winners includit comedian Janey Godley wha wis awardit the title ‘Scots Speaker o’ the Year’. In 2021, The Scots Language Awards will be tak place on the 11th September in Dundee’s Marryat Hall, a pairt o the Caird Hall complex. The event tae be baith attend, an tae watch online.
Ally Heather is an Angus scriever wha haes producit, presentit, and contributit to BBC TV programmes, radio shaws and podcasts that explore and shawcase Scots as a livin language. He haed regular columns scrievit in Scots in The National an The Herald newspapers, and currently scrieves for the Courier. He produces and presents Dundee United TV, and has run Scots classes for young fowk and adults athort the kintra for monys a year. Ower lockdoon, he ran innovative online Scots Language wirkshops for Dundonians, generatin a group o informit Scots speikars wha will be speirin for the leid in their communities. He will host the national Scots Language Awards in September 2021.
Aiberdeenshire musician, Iona Fyfe, has become ae o Scotland’s finest young folk sangsters, rooted deeply in the sang traditions o the North East o Scotland. The youngest ever winner o Scots Singer of the Year at the MG ALBA Scots Trad Music Awards 2018, Iona has been describit as “one of the best Scotland has to offer.” (Global-Music.de). Iona is a strang advocate for the official recognition o the Scots Leid and is a fine exponent o the Doric dialect, winnin the title o Performer of the Year at the Scots Language Awards in 2020. Iona led a successfu campaign tae pressure Spotify intae giein recognition tae the Scots leid an addin it tae its list o languages. She was finalist in the BBC Radio Scotland Young Traditional Musician o the Year 2021 award. As weel as ony nummer o notable appearances tae her credit, Iona has toured the UK, Poland, France, Germany, Austria, Italy, Switzerland, Czech Republic, Canada and Australia. A nominee for Folk Band of the Year at the MG ALBA Scots Trad Music Awards, Iona has performed wi the BBC Scottish Symphony Orchestra as pairt of the World Premiere of Disney Pixar’s Brave in Concert at Glasgow Royal Concert Hall.
To get involved, learn & record your phrase, or for more information please visit: www.giesascotsphraseday.com
PRESS: For photographs or interviews, please contact Chris Hunt
The 4th June 2021 is Gies A Scots Phrase Day and we need you to take part! It’s dead easy to do so. All you have to do is video or audio record yourself saying your favourite Scots phrase and post it on social media using the hashtag #giesascotsphraseday. You could pick a line from your family, a Robert Burns poem, something from Itchy Coo books or anything that tickles your fancy. It will be a great fun day of braw Scots phrases and promotion of the language. Look forward to hearing what you’ve got!